सर्लाही,२४ चैत । नेपालमा मानसिक स्वास्थ्य प्रवद्र्धन तथा मनोसामाजिक सेवाको पहुँच विस्तार गर्ने उद्देश्यले “मानसिक स्वास्थ्य सहयोग कार्यक्रम” सञ्चालनमा आएको छ । उक्त कार्यक्रम Swiss Agency for Development and Cooperation को आर्थिक सहयोग तथा United Nations Resident Coordinator Office, UNICEF, UNFPA / World Health Organization को प्राविधिक सहकार्यमा कार्यान्वयन भइरहेको छ ।
कार्यक्रमको मुख्य उद्देश्य Sustainable Development Goals अन्तर्गत लक्ष्य ३.४ हासिल गर्न सहयोग पु¥याउनु रहेको छ, जसले मानसिक स्वास्थ्य प्रवद्र्धन र समग्र कल्याणमा जोड दिन्छ। यसै क्रममा परियोजना टोलीले सर्लाहीको प्रादेशिक अस्पताल मलंगवा स्थित इऋःऋ अन्तर्गत मनोसामाजिक परामर्श इकाइमा पूर्व–परीक्षण (Pre–testing) चरणका लागि स्थलगत भ्रमण गरेको जनाएको छ।
कार्यक्रम डिसेम्बर २०२५ देखि नोभेम्बर २०२८ सम्म सञ्चालन हुने योजना रहेको छ। नेपालका मधेश प्रदेश, लुम्बिनी प्रदेश र कर्णाली प्रदेश गरी तीन प्रदेशका चार जिल्ला—सर्लाही, रोल्पा, कपिलवस्तु र रुकुम पश्चिम मा कार्यक्रम सञ्चालन हुनेछ।
सर्लाही जिल्लाभित्र ईश्वरपुर नगरपालिका, लालबन्दी नगरपालिका, हरिवन नगरपालिका र मलंगवा गरी चार नगरपालिकामा कार्यक्रम लागू गरिनेछ।
देशभर करिब १२ नगरपालिका समेट्ने यस कार्यक्रमबाट झण्डै ५४ हजार नागरिक प्रत्यक्ष रूपमा लाभान्वित हुने अपेक्षा गरिएको छ। मानसिक स्वास्थ्य सेवाको पहुँच विस्तार, जनचेतना अभिवृद्धि तथा स्थानीय तहमा मनोसामाजिक सहयोग प्रणाली सुदृढ गर्ने लक्ष्यसहित कार्यक्रम अघि बढाइएको प्रादेशिक अस्पताल मलंगवाका स्त्री तथा प्रसुति रोग विशेषज्ञ डा.सचिन यादवले जानकारी दिनुभयो ।