सर्लाही,२४ चैत । ‘एकता र स्वास्थ्य हाम्रो साझा लक्ष्य’ भन्ने नारासहित सर्लाहीमा ७८औं विश्व स्वास्थ्य दिवस २०२६ विभिन्न कार्यक्रमका साथ मनाइएको छ । स्वास्थ्यकर्मी, विभिन्न संघ–संस्था तथा सरोकारवालाको सहभागितामा दिवस मनाइएको हो ।
फ्रन्टलाईन डाक्टर्स नेपाल मधेशको आयोजनामा सम्पन्न कार्यक्रममा स्वास्थ्य क्षेत्रमा एकता, सहकार्य र वैज्ञानिक दृष्टिकोणलाई प्राथमिकता दिनुपर्नेमा जोड दिइएको थियो । दिवसको अवसरमा जनचेतनामूलक ¥यालीसँगै विशेष म्याराथन कार्यक्रम पनि आयोजना गरिएको थियो । सदरमुकाम मलंगवा–१० स्थित तिनबिघे मैदानबाट सुरु भएको दौडमा स्वास्थ्यकर्मी, विद्यार्थी तथा सर्वसाधारणको उत्साहजनक सहभागिता रहेको आयोजकले जनाएको छ । म्याराथनतर्फ पुरुष र महिला तर्फ प्रतिस्पर्धीहरूले उत्कृष्ट प्रदर्शन गरेका थिए । पुरुषतर्फ र महिलातर्फ प्रथम हुने क्रमश डा. पुरुषोत्तम प्रसाद यादव र रिता कुमारी सिंहलाई जनही ५ हजार, त्यस्तै, दोस्रो हुने पुरुषतर्फ सर्लाही मेडिकेयर प्रा.लिका गोविन्द कुमार साह र महिलातर्फ तिरुपति बालाजी पोलिक्लिनीक प्रा.लि.का बबिता कुमारी यादवलाई जनही ३ हजार र तेस्रो हुने पुरुषतर्फ विष्णु गाउँपालिकाका स्वास्थ्यकर्मी सरोज कुमार यादव र महिलातर्फ प्रादेशिक अस्पतालका रन्जना कुमारी यादवलाई जनही २ हजार रुपैयाँ नगद राशि पुरस्कार प्रदान गरिएको छ ।
कार्यक्रम सफल बनाउन सुमित कुमार पोलिक्लिनीक एण्ड डाईग्नोस्टिक सेन्टर,सर्लाही मेडिकेयर प्रा.लि.,तिरुपति बालाजी पोलिक्लिनीक प्रा.लि.र जगदम्बा पोलिक्लिनीक प्रा.लि.लगायतका स्वास्थ्य संस्थाहरुले सह–प्रायोजक गरेको कार्यक्रमका सहजकर्ता एवं संयुक्त सचिव डा. पुरुषोतम यादवले बताए ।
कार्यक्रममा प्रादेशिक अस्पताल मलंगवाका निमित मेसु रामप्रकाश साह,ले स्वास्थ्य सेवामा सुधार, जनचेतना अभिवृद्धि तथा आपसी समन्वय बढाउने प्रतिबद्धता जनाएका छन ् ।
