काठमाडौं । दोस्रो संस्करणको नेपाल प्रिमियर लिग (एनपीएल) मंसिर १ गतेदेखि हुने भएको छ।

नेपाल क्रिकेट संघ (क्यान)का प्रवक्ता छुम्बी लामाले  बिहीबार एक विज्ञप्ति जारी गर्दै दोस्रो संस्करणको एनपीएल मंसिर १ गतेदेखि २७ गतेसम्म आयोजना गरिने जानकारी दिएका हुन्।

क्यानका अनुसार दोस्रो संस्करणको एनपीएल पनि काठमाडौंको त्रिवि क्रिकेट मैदानमा आयोजना हुने भएको छ।

पहिलो संस्करणको एनपीएल २०८१ मंसिर १५ देखि पौष ६ गतेसम्म आयोजना भएको थियो।

प्रतियोगिताको खेलतालिका भने केही समयपछि सार्वजनिक गरिने क्यानले जनाएको छ।