दैलेख – पश्चिम दैलेखको चामुण्डा बिन्द्रासैनि नगरपालिका वडा न ३ देउराली नजिकै मङ्गलबार बिहानको समयमा एक चामुण्डा को चाल्ने चाैताराबाट राजधानी सुर्खेत तर्फ जादै गरेकाे एक यात्रु वाह मिनि बस यतिबेलाको हिलाम्मे सडकका कारण चिप्लिएर दुर्घटनामा परेकाे ईलाका प्रहरी कार्यालय दुल्लुका प्रमुख कृष्ण खड्काले जानकारी दिनुभएको छ। दुर्घटनामा चार जना यात्रु सामान्य घाईते छन्, उपचारका लागि दुल्लु अस्पताल पठाईएकाे छ । घाइते सबैकाे अवस्था सामान्य छ ।
यो सडक खण्ड कर्णाली राजमार्गको साङ्गेताडा स्थित सहायक सडक हो। चामुण्डा बिन्द्रासैनि नगरपालिका वडा न ९ देखि १ सम्म जोडिएको छ। पालिका का प्रत्येक वडालाई जोडेको यो सडक हिउँदोमा इलाम्मे र बर्खामा इलाम्मे हुने गर्दछ। साथै यस सडक खण्डलाई पालिकाकै मेरुदण्ड भन्ने गरिन्छ। तर पछिल्लो समय सम्बन्धित निकायले ध्यान नदिएपछि यस्ता दुर्घटना दिन प्रतिदिन बढिरहेका छन्।
यात्रुहरूले शास्तीपूर्ण यात्रा गर्न बाध्य छन्। यातायात व्यवसाय भने आफूले नचाहँदा नचाहँदै पनि उक्त सडक खण्डमा यात्रुहरूलाई सुविधा दिने उद्देश्यले र आफ्नो व्यवसायलाई निरन्तरता दिनका लागि गाडी हिनाल्नुपर्ने बताउँछ।
यात्रुहरू सवारी साधनको अभावका कारणले गर्दा जबरजस्ती गाडीको सिट क्षमताभन्दा बढी चढेर यात्रा गर्न बाध्य छन्। जसमा सम्बन्धित निकायको ध्यान केन्द्रित नभएको प्रष्टै देखिन्छ।
यदि यस्तै हो भने यस सडक खण्डको समयमै मर्मत सम्मार राम्रोसँग नहुन सकेमा भविष्यमा ठूलो धनजनको क्षति हुने जोखिम देखिन्छ।