दैलेख । चामुण्डाबिन्द्रासैनी नगरपालिका वडा नं ४ का सचिव गोपी चौलागाईंले वडा भित्रका वरिष्ठ नागरिक तथा लाभग्राहीको सामाजिक सुरक्षा भत्ता नवीकरण गरेका छन्।

नवीकरण प्रक्रिया अन्तर्गत ९० वर्षीय देवबहादुर शाही, ८७ वर्षीय लक्ष्य जैसी, ८९ वर्षीय पदमा देवी शाही, ८९ वर्षीय जसे कामी, ६९ वर्षीय मनबहादुर शाही, ८५ वर्षीय उज्जली शाही लगायतका लाभग्राहीको घरमै पुगेर नवीकरण गरिएको हो।

वडा कार्यालयका अनुसार वर्षौंदेखि भत्ता लिइरहेका ज्येष्ठ नागरिक र अन्य लाभग्राहीको सहज पहुँचका लागि घरमै गएर नवीकरण कार्य गरिएको हो। यसले वृद्धवृद्धा, अशक्त तथा टाढा बसोबास गर्ने लाभग्राहीलाई सुविधा पुगेको सचिव चौलागाईंले बताएका छन्।