अन्तर्राष्ट्रिय क्रिकेट काउन्सिल (आईसीसी) ले भारतीय तीव्र गतिका बलर मोहम्मद सिराजलाई जरीवाना गरेको छ ।

लर्ड्समा घरेलु टोली इङ्ग्ल्यान्डसँगको तेस्रो टेस्टको चौथो दिनमा आईसीसीको आचारसंहिता उल्लङ्घन गरेपछि सिराजलाई ‘म्याच फी’ को १५ प्रतिशत जरीवाना गरिएको छ । उनलाई आईसीसीले एक डिमेरिट प्वाइन्ट पनि दिएको छ ।

सिराजले खेलाडी र खेलाडी सहयोगी कर्मचारीहरूका लागि आईसीसी आचारसंहिताको धारा २.५ उल्लङ्घन गरेकोमा दोषी ठहर भएका हुन् । यो आचारसंहिता अन्तर्राष्ट्रिय खेलका क्रममा ब्याटलाई अपमानजनक वा आक्रामक प्रतिक्रिया जगाउन सक्ने भाषा, कार्य वा इशाराहरू प्रयोग गर्नेसँग सम्बन्धित छ ।

टेस्टकाे चौथो दिनको खेलका क्रममा सिराजले बेन डकेटको विकेट लिएपछि उत्सव मनाउँदै गर्दा उनकै नजिकै गएर चिढ्याएका थिए ।

भारतीय बलर मोहम्मद सिराजलाई आईसीसीको जरीवान