पञ्चकोशी संवाददाता। श्री कालिका माध्यमिक विद्यालय नेत्रपानी ले विद्यार्थीहरूको आधारभूत स्वास्थ्य परीक्षण कार्यक्रम सम्पन्न गरिएको छ।
विद्यालयको परिसरमै आयोजना गरिएको शुक्रवारिय कार्यक्रममा विद्यालयका सबै कक्षाका विद्यार्थीहरूको स्वास्थ्य परीक्षण गरिएको थियो। कार्यक्रममा स्थानीय स्वास्थ्यकर्मी रेखा शाही को टोलीबाट परीक्षण गरिएको हो।
स्वास्थ्य परीक्षण कार्यक्रम शुक्रबार (जेठ २३ गते) सम्पन्न भएको थियो। कार्यक्रममा प्रमुख स्वास्थ्यकर्मीको रूपमा रेखा शाहीले विद्यार्थीहरूको स्वास्थ्य परीक्षण गर्नु भएको थियो। उहाँले विद्यार्थीहरूमा देखिएका सामान्य स्वास्थ्य समस्याहरूको पहिचान गर्दै आवश्यक परामर्श र सुझाव दिनुभएको थियो।
कार्यक्रमको आयोजना श्री कालिका माध्यमिक विद्यालय नेत्रपानीले गरेको हो। विद्यालयका प्रधानाध्यापक, शिक्षक, अभिभावक तथा विद्यार्थीहरूको समेत सक्रिय सहभागिता रहेको कार्यक्रममा बालबालिकाहरूको दन्त, आँखाको जाँच, सामान्य रोग परीक्षणजस्ता गतिविधिहरू समावेश गरिएका थिए।
विद्यालयका प्रधानाध्यापक हरिओम शाहीले भने, “स्वास्थ्य नै धन हो भन्ने मान्यताअनुसार विद्यार्थीहरूको स्वास्थ्य अवस्था बुझ्न यस्ता कार्यक्रम अत्यन्त आवश्यक छन्। आगामी दिनमा अझ प्रभावकारी कार्यक्रम गर्ने योजना समेत बनाइएको बताउनुभयो।
यो कार्यक्रमले विद्यार्थीहरूको स्वास्थ्यप्रति अभिभावक र विद्यालय प्रशासनको चासो बढाएको छ भने बालबालिकाहरूको भलाइमा योगदान पुर्याउने विश्वास समेत लिइएको प्रधानाध्यापक हरिओम शाहीले बताउनु भयो।