पञ्चकोशी संवाददाता। चामुण्डा बिन्द्रासैनि नगरपालिका–६ का वडा अध्यक्ष बलिराम खड्काले स्थानीय कृषक नरेन्द्र शाहीलाई सिँचाइका लागि एक सेट पेट्रोल पम्प प्रदान गर्नुभएको छ।

शाहीले सञ्चालन गर्दै आउनु भएको “दिनेश कृषि तथा पशुपंक्षी फर्म” मा सिँचाइको अभावका कारण उत्पादनमा कठिनाइ भइरहेको देखेर वडाध्यक्ष खड्काले उक्त सहयोग गर्नुभएको हो। फर्मका लागि प्रदान गरिएको पेट्रोल पम्पले अब सिँचाइको समस्या समाधान हुने विश्वास कृषक शाहीले व्यक्त गरेका छन्।

कृषि फार्ममा सिँचाइ गर्न समस्या भएको देखेर वडा अध्यक्ष ज्यूले जुन सहयोग गर्नुभयो उहाँप्रति हार्दिक धन्यवाद समेत व्यक्त गरेेका छन ।

कृषिमा आधारित जीविकोपार्जन गरिरहेका किसानहरूका लागि यस्ता सहयोगले उत्पादन वृद्धिमा टेवा पुग्ने विश्वास व्यक्त गरेको शाहीले बताएका छन्।