अहिले लुम्बिनी, गण्डकी, कोशी र कर्णाली प्रदेशका केही ठाउँमा हल्का पानी परिरहेको जल तथा मौसम पूर्वानुमान महाशाखाले जनाएको छ ।

महाशाखाका अनुसार आज कोशी प्रदेशको पूर्वी भू–भागको पहाडी क्षेत्रका एक–दुई ठाउँमा ठूलो पानी पर्ने सम्भावना छ ।

यस्तै गण्डकी, लुम्बिनी, बागमतीलगायत सबै प्रदेशका केही ठाउँमा हावाहुरी र चट्याङसहित हल्कादेखि मध्यम पानी पर्ने अनुमान रहेको मौसमविद् हरि प्रसाद दाहालले बताउनुभयो ।

यस्तै आज उच्च पहाडी तथा हिमाली भागका एक–दुई ठाउँमा हल्का  वर्षा र हिमपातको सम्भावना छ ।

बङ्गालको खाडीबाट आएको जलवाष्पयुक्त हावा थप सक्रिय हुने भएकाले हाज र भोलि देशका धेरै ठाउँमा हल्कादेखि मध्यम वर्षा र केही ठाउँमा ठूलो वर्षाको सम्भावना रहेको मौसमविद्ले बताएका छन् ।