कमल शाही २०८२जेठ ०५ मंगलबार दैलेख। दैलेखको चामुण्डाबिन्द्रासैनी नगरपालिका वडा नं ६ मा अवस्थित श्री कालिका माध्यमिक विद्यालयले आफ्नो ३७ औँ वार्षिक उत्सव भव्यताका रूपमा समापन गरेको छ।
उक्त कार्यक्रम मार्फत विद्यालय व्यवस्थापन समितिका अध्यक्ष नरेन्द्र बहादुर शाहीले शिक्षा हाम्रो सम्पत्ति हो हाम्रो लागि शिक्षा अनिवार्य छ तेसैले अभिभावक सक्रिय भई पठनपाठन र विद्यालय रेखदेख गर्ने हाम्रो जिम्मेवारी हो भन्नुभएको छ।
तेस्तै जिसस सदस्य अंगदबहादुर शाही ले विद्यालयमा हामी अभिभावक जिम्मेवार नभए शिक्षा खस्किन्छ त्यसैले सम्बन्धित ठाउँमा हामीले पनि पुग्नुपर्छ भन्नुभएको छ।
उक्त कार्यक्रम पूर्व प्रधानाध्यापक कृष्णबहादुर शाही ले पहिले विद्यालयमा कति समस्या थियो र अहिले त्यो समस्या नभएकाले र विद्यालय अघि बढेको बताउनुभएको छ। नगर कार्यपालिका सदस्य पुरे कामिले बिद्यालय पालिकाका अरु बिद्यालय को तुलनामा राम्रो भएको र अभिभावक ले कन्जुसाई गरेको बताउनुभयो ।
विद्यालयका पूर्व विव्यस अध्यक्ष उजिर बहादुर बि.क ले युवा भएर मात्र हुँदैन तर युवाले शिक्षामा चासो राख्नुपर्ने बताउनुभयो। विद्यालयका प्रधानाध्यापक हरिओम शाहीले पालिकाकाे को वाडमा रहेको विद्यालय भएता पनि पालिकाको नजर नपुगेको दुर्गम विद्यालय भएको बताउनुभयो छ।
कार्यक्रममा विभिन्न सांस्कृतिक कार्यक्रम पनि देखाइएको थियो। उक्त कार्यक्रममा पूर्व प्रधानाध्यापकहरू पूर्व शिक्षक शिक्षिका अभिभावकहरू पूर्व विव्यस अध्यक्ष अभिभावकहरुलाई नेपाली पोशाक ढाका टोपी लगाई सम्मान गरिएको थियो।
