भाद्र ६/धनगढी

लगातारको वर्षाबाट कैलालीमा आएको बाढीले गरेको धनजनको क्षति प्रति नेपाल कम्युनिष्ट पार्टी कैलालीले दुःख व्यक्त गरेको छ। कैयौ बस्तिका घरहरूमा बाढी पसेर खाद्यान्न,लत्ताकपडा र पशुपन्छी लगायत घरहरूमा क्षति भएको प्रति गम्भीर ध्यानाकर्षण भएको बताउँदै शिघ्र राहत र उद्धारका काम गर्न स्थानीय ,प्रदेश र संघीय सरकारका साथै सरोकारवाला निकायलाई अनुरोध गरेको छ।

कैलाली जिल्ला इन्चार्ज प्रकाश सी र सेक्रेटरी सिताराम सीद्वारा हस्ताक्षरित विज्ञप्तिमा जनताको सुख-दुःखमा जनताको सेवामा तल्लीन रहेको बताउँदै सम्पूर्ण पार्टीपंक्तिलाई राहत र उद्धारका कार्यमा सहभागी हुन समेत निर्देशन दिएको छ। प्राकृतिक विपदको घडीमा पिडितलाई सहयोग गर्न समेत पार्टीले अनुरोध गरेको छ।